शहीद

चारै तिर अध्यारो तर उसको मुहारमा एक भिन्न चमक थियो

जब उनि भए शहीद; यो त्यो दिनको कुरा थियो  ||

नसोची केहि पनि आफ्नो गरे सबैको हित

हारे आफै, तर पनि खेद कत्ती रहेन; गराए बलिदानको जित  ||  




























यस पटक त पक्कै हुन्छ परिवर्तन भनि जब होमिए युद्धमा पटक पटक

कायाँ मृत भयो उनिहरुका तर भएन कहिल्यै देशमा कायाँपलट  ||

थापी गोली छाती भरी, उनि जब हिजो झिसमिसैमा शहीद भए

कती सम्म पर्ला परिवारमा भार ति सारा बिर्सिए  ||
 

भोटो लगाई, भिरी खुर्पेटो मनलाई राखी एक धिरमा

बज्रन गयो काल समिप; उडि गयो प्राण पखेरो एक छिनमा  ||

आदर्श राखी मनमा जनहितकोलागी मर्न रमाए

आज देशले आफैं हराईदिए पनि, हिजो सिङ्गो नेपाललाई जिताए  ||

पक्कै भएको छैन सपना पुरा; र रहन पनि दिन हुन्न आधा अधुरा

शालिक मात्र रहे अब बाकी, गरौं परीश्रमका कुरा; कर्तव्य राखी शिरमा सौन्दर्य नराखौं अपुरा ||

प्रभातिय उषाकालका किरण सँग खोज्दछन हरेक नेपालिका आँखाहरु ति साथिहरुलाई

जसको रगतले रङ्गियो धर्ती ति महान यात्रीहरुलाई ||

 || जसको रगतले रङ्गियो धर्ती ति महान यात्रीहरुलाई ति महान यात्रीहरुलाई ||